Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

JKKK/JKDB mositi momonsoi kosimbanon kumaa poposonong sistom kopointalangan

radin
KOTA KINABALU: Kopomuruanan Komiti Koburuon om Koumoligan Kampung miampai Komiti Suang Kakadaian (JKKK/JKDB) id pogun diti mositi momonsoi kosimbanan kumaa mongumbasi kaangayan sistom kopointalangan kotorinaan, miampai manahak pongintangan kumaa karaja ngawi kikualiti i kaanu manahak tanda tosonong.

Montiri Koundaan Labus Kakadaian Datuk Radin Maleh minoboros do, kopomuruanan JKKK/JKDB nga mositi manahak pongunsuban mooi tinimungan koonduan om komulakan haro sokuri-kuri iso komilaan montok popoburu taangayan om poposonong ningkokoton koposion.

“Kotundaan nasional i winonsoi do porinta nopo nga kosuang toinsanan bohogian kaampai no kotundaan sosio ekonomi, balajaran om pingludaan kiangkab popoingkawas sinonong koonuan id timpu tanaru montok popoburu pogun.

“Saasabap no dilo orugi nung sandad winakas tulun lolobi no kopio mantad tinimungan koonduan om komulakan lolobi no kopio i haro id kampung ngawi ‘kologos’ toomod,” ka disio.

Minoboros isido miagal dilo soira minamason pinonutuban Pingludaan Ponorinaan om Kotinanan JKKK/JKDB montok watas Inanam id Grand Borneo Hotel, id doiti di konihab.

Nokotindapou nogi Monunurat Pointatap KPLB Sabah Abu Bakar Haji Latip om Potunud Koupisan Kolidasan Mogigion Dewan Bandaraya Kota Kinabalu (DBKK) nogi Ponorikohon Komiti paanjur pingludaan watas, Karim Rahim.

Minokianu nogi i Radin do JKKK mooi hobi kipongintangan kumaa tonggungan dioho sabaagi monoina id nazatan kampung om nogi hobi asabi kumaa kobohingkangan miampai kogunaan mogiigizon kampung.

“Ponuidangan JKKK om JKDB nopo nga montok popoimbuhai hivang kumaa layat montok kampazat id suang koponoinaan kotundaan nazatan kampung. – SayangSabah

Komen


Berita Berkaitan