Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

JKDM minangahau tiinumon kaauk

12:15am 21/01/2016 Maryann 0 views Abal Kinoyonon,Keningau,Kinoyonon

kastam keningau
KENINGAU: Koupisan Kastam Diraja Malaysia (JKDM) Sabah raan Keningau nakaanu minangahau soginumu 2,000 tin tiinumon kaauk mogisuai-suai ngaran id ponugkuan iso kadai runcit di hiti di tadau ko-11 tulan Koiso nakatalib.

Potunud JKDM Sabah Dato’Dr. Hj. Janathan Kandok minoboros do ponugkuan dilo pinapanau walu puru monguatkuasa ih binuruan songulun monguasa Kastam asil ponoriukan do Kastam.

Ka disio, asil pomorisaan kumaa tiinumon id kadai runcit dilo, noilaan aiso stem duti poinsokot. Sabap dilo naahau om tinangayan kuminaa Tupis Monguatkuasa JKDM do hiti montok soriukon id siriba Seksyen 135 (d) Akta Kastam 1967.

Damot dilo, ka disio Kastam Raan Keningau minoposurat soginumu 118 kiis ponguatkuasaan ih naanu poompus toun nakatalib miampai gatang babarang naahau RM300,000 om kumpaun RM400,000 kapaampai sukai RM664,000.

“Kinalantaian diti nopo nga asil karaja Monguatkuasa Tupisor ngawi Kastam id kinoyonon diti om nuhupan doo tupisor monguatkuasan Kastam Kota Kinabalu poompus toun nakatalib. – Dii Kalawon Sawing/Sayangsabah

Apa Komen dan Pendapat Anda

Artikel Berkaitan