Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

JHEAINS minanahan 33 tulun id Karaja Miuhup Longkod Pomolihisan

TAWAU – Soginumu 33 tulun tinahan om rujukon kumaa puru kikuasa Koupisan Ahal Ugama Islam Pogun Sabah (JHEAINS) id suang Karaja Miuhup Longkod Pomolihisan ih pinapanau posorili kakadaian diti minsusuab konihab.
Tumanud Boyoon Pulis Watas Asisten Komisioner, Awang Besar Dullah, toinsanan di tinahan nopo nga 25 kusai om walu tulun tondu, kiumur id pialatan 18 gisom 42 toun sabap nakasala moginum kaauk.
Id karaja dilo, soginumu 153 tulun pinorisa id siam kinoyonon longkod pomolihisan watas diti.
“Toinsanan di pinorisa nopo nga 98 kusai kiumur 18 gisom 42 toun om 55 tondu kiumur 18 gisom 36 toun miampai songulun tondu amu nakaanu minopokito surat kasagaan,” ka disio id kointalangan hiti di baino.
Tumanud disio, id poniisan do dadah, duo kusai om songulun tondu noilaan positif dadah.
Siam longkod pomolihisan dilo noontok do saman dii puru Kounsil Kakadaian Tawau (MPT) sabap nokolobi masa poingukab. – Dii Masani Sandan / SayangSabah

Komen


Berita Berkaitan