Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

JBP Labuan haro bohogian helikopter amu noh alaid

bomba 2
LABUAN: Koupisan Bomba om Manampasi (JBP) Labuan pikikiro kaanu bohogian helikopter amu noh alaid mantad baino montok poingkawas kaangayan dau manahak sisimbar taarau arau kumaa toiso-iso kaantakan id pulou dilo.

Potunud dau Zainal Madasin, minoboros do ponuridangan bohogian dilo nopo nga pinolulus do logkod tupis koupisan dilo om iso kinoyonon kosudong montok poiyon dilo, mamaso intutunan.

“Mamaso yahai miboros miampai Malaysia Airport Berhad (MAB) moi onuan tiyonon montok helikopter dahai. Alansan yahai Puru Parlimen Labuan kaanu monguhup dahai id ahal diti,” ka disio kumaa maganu habar kalapas minopotimpuun karamaian Tadau Bomba Sompomogunan do hiti di baino.

Minoboros ih Zainal do helikopter dilo milo gunoon montok monguhup karaja podtuludan kosianan do paatod tangaanak oindamaan kumaa walai pongubatan id Kota Kinabalu om karaja mogihum om manampasi (SAR) toi ko momisok kinotutudan id kinoyonon poinsuok ih koligogon.

Daamot dilo ka disio, gontob amu kaanu tumanud kooturan pangantaban kinotutudan tumanud Akta Perkhidmatan Bomba 1988 id tanga pomorunan tumau om gas do hiti nopo nga osiriba. – BERNAMA

Komen


Berita Berkaitan