Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Jakel papanau tonggungan patahak sakadai kumaa mogigion

jakel

SEPANGGAR – Kadai fesyen rasuk nointutunan id pogun diti Jakel Trading (Sabah) Sdn Bhd amu oiduanan papatahak sakadai kakamot taakanon om tusin kumaa 100 mamaramit kosuang mogigion tongosusa om tulun nolohing id kinoyonon DUN Karambunai do hiti di konihab.

Potunud Jakel, Mohd Amran Mohd Nor minoboros do ababayan miagal dilo pinapanau mantad podii onom toun nakatalib om nokotilombus gisom baino montok monulung tulun tongosusa papagaan tingorit posodia rurumikot tulan Syawal.

“InsyAllah, toun abantalan umbalan do Jakel momoruhang ginumu mamaramit sakadai,” ka disio om ounsikou nogi isido sabap nakaanu papanau tonggungan kumaa mogigion.

Daamot dilo Montiri Kotundaan Mogigion om Ahal Momoguno Sabah Datuk Jainab Ahmad Ayid ih nokotindapou id ababayan panahakan sakadai id soliwan do Masjid Kg Karambunai minoboros do sakadai miagal dilo agayo rati kumaa mogigion.

“Sundung do insan noh sontoun iyolo karamit sakadai miagal diti nga kakal kaanu manahak kounsihakan kumaa diolo lolobi kumaa tinimungan amu songkuro konunuan,” ka disio. – Dii NUZIR ANDI SAMSIAR / sayangsabah

Komen


Berita Berkaitan