Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Jainab mamaramit tosonong pomilian, Salleh om Madius

jainab.jpg

KOTA KINABALU – Montiri Kotundaan Mogigion om Ahal Momoguno Sabah Datuk Jainab Ahmad Ayid mamaramit tosonong pomilian duo montiri totuoh mantad pogun diti id suang kabinat wagu pisompuruan.

Ka disio, pomilian di Datuk Salleh Said Keruak (Montiri Komunikasi om Multimedia) om Datuk Madius Tangau (Montiri Sains, Tiknologi om Inovasi) id suang koponguludan kawagu kabinet ih pinoumum di Luguan Montiri Datuk Seri Najib Razak songkosodop popokito pamagatangan do porinta pisompuruan kumaa momuruan id pogun diti.

“Alansan oku maya pomilian dii Salleh do momuruan Komontirian Komunikasi om Multimedia kaanu monguhup do Suruhanjaya Komunikasi Multimedia Malaysia (SKMM) monoibau kobolihangkangan posibaran ruputan pilasu lolobi id laman sosial internet,” ka disio do hiti di tadau baino.

Minoboros isido miagal dilo id pirumaan miampai RTM karait koponguludan do kabinet Porinta Pisompuruan ih pinoumum dii Luguan Montiri Datuk Seri Najib Razak id Putrajaya.

Ka di Jainab, Luguan Montiri haro kopotutan om kuasa poimponu do mongulud kawagu kabinet om mongidu montiri kabinet dii opurimanan amu miagal pomusarahan id toiso iso koputusan do porinta.

“Sabaagi Luguan Montiri, haro kopotutan disio do momili montiri kabinet id tanga lalansanon do rayat ih opurimanan kaanu manahak miuhup do porinta id suang papalantoi kotundaan pogun diti,” ka disio. – SayangSabah

Komen


Berita Berkaitan