Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Jainab: Laang okodou montok mogindapu kasala momoguno logo ‘Halal’

jainab
KOTA KINABALU: Mogindapu kadai makan pinosorou mooi amu kasala momoguno logo ‘Halal’ montok tuduan mamagayat tulun ginumuan rumikot id kadai diolo.

Montiri Kotundaan Mogigion om Ahal Momoguno Datuk Hajah Jainab Ahmad Ayid minoboros do komontirian dau poontok laang okodou kumaa mongindapu kadai makan di kasala momoguno logo ‘Halal’.

“Sabap aiso tonggungan do mogindapu ngawi, tulun ginumuan papasala porinta miampai moboros do amu o porinta maganu laang, kopio nopo id ahal diti ih kasala nopo nga sanganu kadai makan sabap popokito sijil halal dilo,” ka disio.

Minoboros isido miagal dilo kumaa maganu habar kalapas minapapanau pogintangan gatang taakanon om sijil halal id kadai makan id Centre Point, do hiti di biano.

Suai koi lo, minokianu nogi isido kumaa toinsanan tutumombului id kadai makan mooi mintingubas konsip 3M ilo nopo nga momili, momboikot om poruput kadai makan ih poingkawas gatang babarang taakanon.

“Iti timpu tokou momoguno konsip 3M, ilo nopo nga momili kadai makan, momboikot om poruput kumaa puru kikuasa mooi aanu laang pointopot,” ka disio.

Ka disio, soginumu 28 notis pinalabus do puru KPDNKK gisom tulan Kotolu diti. – SayangSabah

Komen


Berita Berkaitan