Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ipi-ipion ‘tumulud’ nosiliu katapatan

heli-2-600x366
KOTA KINABALU: Ipi-ipion songulun tanak ih kitoruol kinsor mato toi ko Retinoblastoma of L eye montok sumakai helikopter nosiliu katapatan tadau baino.

Yusaidinnor Bakari, 6, mantad Kampung Sejati, Semporna, sinakai helikopter Polis Diraja Malaysia (PDRM) id Pangkalan Udara PDRM Sabah, do hiti jam 9.10 kosuabon baino.

Nakaampai id podtuludan pikikiro 30 minit dilo nopo nga tina dau Maimunah Ghani, 45, om Kumoduo Pesuruhjaya Polis Sabah, Datuk Awang Sahari EM Nadzer.

Podtuludan dilo nopo nga kosianan di winonsoi miampai Kotinanan Impian Kanak-Kanak Malaysia (CWS) ih tinuridong montok momonu hontolon tangaanak di kitoruol noindamaan.

Yusaidinnor noilaan kitoruol Retinoblastoma of L eye tulan Koiso 2015 om minapapanau kemoterapi montok pataam di sumuni id mato dau tulan Koonom toun nakatalib.

Poingkuro po kobolihangkangan di notoguang dau kakal nohulit tulan nakatalib om do babaino mamaso papanau kemoterapi koduo id Walai Pongubatan Koonduan om Tangaanak Likas, do hiti. – BH Online

Komen


Berita Berkaitan