Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Intangan do MARA susumikul dau mangalai kaampai ISIS

Shafie Apdal (id toguang) id ababayan Gotong Royong Sekolah Agama Negeri (SAN) Pekan Semporna. – foto Masani Sandan
Shafie Apdal (id toguang) id ababayan Gotong Royong Sekolah Agama Negeri (SAN) Pekan Semporna. – foto Masani Sandan

SEMPORNA – Susumikul nakaanu kousinan mantad Majlis Amanah Rakyat (MARA) id suang toi ko labus pogun pinosorou moi amu kaampai nunu nopo karaja tinimungan militant ISIS.
Montiri Kotundaan Labus Kakadaian om Wilayah Datuk Seri Mohd. Shafie Apdal minoposorou ahal dilo kumaa susumikul sabap ogumu po milo wonsoion id suang poposindak ugama om popotunda ikonomi Islam.
“Susumikul apatut manahak ponumpuan dilo balajaran om amu kaampai id nunu nopo karaja mulong potuu ngaran do jihad nga koubasanan miagal dilo okon ko doung Islam di pointopot, ugama amu insan papahalal do mamatai,” ka disio kumaa maganu habar kalapas Ababayan Gotong Royong Sekolah Agama Negeri (SAN) Pekan Semporna hiti baino.
Minoboros isido miagal dilo sabagi mongulas pinanahanan susumikul kiumur 14 toun di kawawagu id Lapangan Tutumulud Sompomogunan Kuala Lumpur (KLIA) ih kikotumbayaan mongoi tanud tinimungan oindamaan nokomoi id Syria.
Id ababayan dilo, minapatahak nogi ih Shafie toluod Parlimen, 20 set lungun, popodsuon do rata om 600 set kit kakamot jenazah miampai gatang toinsanan RM280,000 id toinsanan kinoyonon Parlimen Semporna om tombak mimbar montok toinsaanan masigid id tolu Walai Koundangan Pogun (DUN) id Semporna o miso bas sikul. – Dii Masani Sandan / SayangSabah

Komen


Berita Berkaitan