Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Intang-intangan soira poumum do projik: Salleh

KOTA KINABALU – Momuruan porinta longkod pinokianu do lobi mintong-intong soira popoumum nunu nopo projik ih momoguno kousinan dit agayo montok mangalai waya amu osonong lolobi kopio id pomusarahan do rayat.

Kumoduo Ponorikohon Kotinanan Piromutan Umno Pogun, Datuk Salleh Tun Said minoboros do projik dilo apatut potilombuson papanahon soira kaanu poruntukan sabap laang miagal dilo okito lobi manahak kotumbayaan do rayat ih lumansan kotundaan id pogun diti.

“Sokiro poguluonon tokou do poumum, nga mandad andad nondo rayat om sokiro amu tokou aanu monumboyo toi ko alambat do kapanau o projik di nokoumum, ilo nga kaanu popoimbulai pomusarahan amu osonong id tanga mogigion kumaa porinta do babaino diti.

“Iyati nga kada tokou oindamaan do ohurolo popoumum nunu nopo projik miampai amu mongintong kowowoyoon kousinan do porinta kosuang kowowoyoon misorili do baino diti,” ka disio soira rinuba kalapas sesi `brainstorming’ Pelan Kotombuluian Kadamaian, hiti di konihab.

Ka disio, kinoinsiribaon gatang tumau id pasaran sompomogunan do baino, gatang do ringgit om nogi kinaantakan do luyud id tisan kolisahon Semenanjung momoguno kousinan dit agayo do poposonong kawagu nunu ih naantakan dilo. – Dii Aryan De Vera / SayangSabah

Komen


Berita Berkaitan