Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Potunud Balajaran Sabah monuhu monutub sikul sokiro oluyudan

kpm-600x367
KOTA KINABALU, 14 Jan : Potunud Balajaran Pogun Sabah Datuk Jame Alip minonuhu tupisor balajaran watas id kinoyonon naantakan do luyud do popourut timpu sikulan do daamot sokiro haro sikul di noluyudan.

“Iti montok mogintong kopio kotungoligan kukumaraja sikul, mongingia om tangaanak sikul,” ka disio kumaa maganu khabar kalapas minopotunui surat kinonoikan pangkat kumaa 50 mongingia id Wisma Pendidikan, hiti di konihab.

Tumanud di Jame, gisom baino tolu no sikul id watas Kudat nasansagan do minopourut balajaran sabap noluyudan o sikul dilo mantad rasam di amu notingkod mantad songkosodop.

Sikul nopo dilo nga Sekolah Kebangsaan Muhibbah, Sekolah Kebangsaan Lok Yuk om Sekolah Kebangsaan Barambangon.

“Amu oku po nakaramit nunu-nunu kointalangan karait sikul do suai di notutupan id Sandakan, Beluran om Kinabatangan. Sikul di tinutuban sabap luyud oporlu gentian do tadau Koonom,” ka disio.

Id ahal do suai, mokianu ih Jame kumaa Komontirian Balajaran do mogintong kumponi papalabus buuk teks om buuk karaja sikul montok mogintong suang om gambar id buuk dilo tumanud kopokionuan komontirian miagal di pinatantu.

“Toinsanan buuk karaja toi ko buuk teks apatut mangan topiso om nilaion pogulu padagango moi amu amu kopiagal dilo kopokionuan do komontirian,” ka disio.

Minoboros isido miagal dilo soira minongulas suang iso buuk karaja sikul tosiriba ih popokito gambar kusai kumawin do kusai om kitanak, id pibarasan kitulu salasilah iso paganakan. – BERNAMA

Komen


Berita Berkaitan