Sayang Sabah Facebook

Likes
Sayang Sabah Twitter

11,824

Followers

Sayang Sabah - Portal Berita Negeri Kita

Insamakaii sukod wagu miampai ababayan kougamaan

11:21pm 11/05/2016 Maryann 0 views Abal Kinoyonon,Kinoyonon,Kota Kinabalu

tawfiq
KOTA KINABALU: Koupisan om agensi ugama pinokianu mooi mongulud lobi ogumu ababayan montok monginsomok sukod wagu.

Montiri Komulakan om Sipoot Datuk Hj. Tawfiq Abu Bakar Titingan minoboros do laang dilo nopo nga iso pingisaman monginsomok om manahak kointalangan kumaa diolo mooi amu oruhai oimbayat do ahal amu osonong.

“Sukod wagu do babainoo diti kaanu kointalangan mogisuai-suai ahal maya internet om laman sosial.

“Sokiro amu onuuan doo kointalangan karait toiso-iso ahal di pinosibar dilo, oimbayat doti yolo do kotumbayaan di amu osonong,” ka disio soira minanahak boboroson id kopotimpuunan Wacana Transformasi Pemikiran Ummah: Ancaman Aqidah dan Keselamatan nayatan pogun Sabah, do hiti di konihab.

Rinamit nogi disio pingisaman do Yayasan Dakwah Islamiah Malaysia (YADIM) sabap nakaanu monguhup do porinta pogun manahak kointalangan kumaa mogigion karait akidah di pointopot tumanud kotumbaayaan puru Sunnah Wal Jamaah ih nosiliu tiigiiton kogumuan umat Islam id Malaysia. – Sayang Sabah

Apa Komen dan Pendapat Anda

Artikel Berkaitan