Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ingato pongundaraat tulun taraat

keningau polis

KENINGAU – Pulis minopotikid kointalangan kotungoligan potilombus montok manahak kopurimanan kumaa tulun ginumuan lolobi tinimungan mogigindapu id posorili kakadaian diti do kosuul madtamong kotungoligan om mangantob kasalaan.

Boyoon Pulis Watas Deputi Supritendan Douglas Nyeging Taong minoboros do tulun ginumuan apatut koilo karalanon mantamong kotungoligan tinan sondiri sabap ih tulun taraat do babaino diti momoguno mogisuai suai ralan mogihum mangsa diolo.

Ka disio miampai kointalangan di pinatahak do pulis kumaa tulun ginumuan, alansan do kaanu popoingkawas kopurimanan om ponguhupan kumaa pulis do manalob kasalaan.

“Id karatas kointalangan dilo okon nopo ko tonudon poingkuro madtamong kotungoligan om mangantob kasalaan nga haro nogi number talipaun monikid tupis do polis,” ka disio.

Minoboros isido miagal dilo kumaa maganu habar kalapas Ababayan High Policing om Jelajah Bazar Ramadan, do hiti di konihab. – Dii Kalawon Sawing / SayangSabah

Komen


Berita Berkaitan