Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Impohon do komulakan apatut kopiagal kopokionuan do sukod wagu

papar-pemulihan

PAPAR – Porinta longkod maya Komontirian Komulakan om Sipoot (KBS) minoposodia soginumu RM145,000 kumaa Sabah montok momonsoi ponoriukan om pongintaban karait ahal komulakan.

Montiri Komulakan om Sipoot Pogun, Datuk Tawfiq Abu Bakar Titingan minoboros do ponoriukan dilo kosuang nogi ababayan belia, balanja om nunu ih korohian kopio tinimungan komulakan miampai kotonudan Institut Ponoriukan Kotundaan Komulakan Malaysia.

“Hontolon tokou nopo nga soira komontirian momonsoi impohon om polisi karait kotundaan komulakan, pongintaban do komulakan silihon rujukan montok dotokou.

“Do baino diti, soira momonsoi tokou dasar, amu tokou koilo nunu kopio ih korohian, hontolon om ih nagampot do komulakan ngawi.

“Miagal diti tiknologi kointalangan om piromutan (ICT) id kinoyonon pointantu, osontob toi ginawo toinsanan komulakan karait kowowoyoon do ICT id kinoyonon dilo,” ka disio.

Minoboros isido miagal dilo kumaa maganu khabar kalapas ababayan potunuian sitipikit kolimpupuson pinsingilaan Ababayan Timpu Oniba 2015: Kursus Soni Kreatif Monombir om Mogonsok id Longkod Rehabilitasi Cure & Cara Klinik Cure & Care Agensi Anti Dadah Kebangsaan Malaysia (AADK) Komontirian Suang Pogun, hiti di baino.

Karait ababayan dilo, ka di Tawfiq, osonong raramit do komulakan. – Dii Sitti Nor Azizah Talata / SayangSabah

Komen


Berita Berkaitan