Sayang Sabah Facebook

Likes
Sayang Sabah Twitter

11,721

Followers

Sayang Sabah - Portal Berita Negeri Kita

Imigresen Tawau minanahan 20 PATI id Karaja Miuhup

8:55pm 09/03/2016 Maryann 0 views Abal Kinoyonon,Berita Pilihan,Kinoyonon,Tawau

pati1-600x366
TAWAU: Koupisan Imigresen Tawau minanahan 20 modidikot songkosuaian aiso kasagaan (PATI) id suang duo karaja misuai kosodop.

Boyoon Tupis Imigresen Tawau Noraini Rasi minoboros do id karaja miuhup miampai Kinoyonon Koumoligan Poimbida Tisan Kosilahon Sabah (ESSCom), 11 mantad PATI kiumur id pialatan 18 om 51 toun nopo nga tulun Indonesia om topod do suai nopo nga tulun Polipin.

“Mamaso pomorisaan, haro id tanga diolo mumbal mogidu nga kinoyonon dilo nintangan lobi osopung,” ka disio id suang kointalangan do hiti di baino.

Toinsanan di tinahan pinaatod id Longkod Panahanan Daamot (PTS) Tawau montok ponoriukan potilombus tumanud Seksyen 6(1)(c) Akta Imigresen sabap aiso dokumen kapamanahan pointopot.

Minoboros ih Noraini karaja dilo notimpuunan jam 3 kosuaabon id Brantian om Kilometer 58, Ralan Kalabakan, binuruan di Kumoduo Monguhup Potunud Imigresen Sabah Mohd Sharifuddin Salim.

Tumanud dii Noraini karaja miagal dilo mangan potilombuso id timpu timpu montok mangantob korikatan do PATI id pogun diti. – BERNAMA

Apa Komen dan Pendapat Anda

Artikel Berkaitan