Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ILTP popoingkawas pinsingilaan

billy-siringan

KOTA KINABALU – Pirotian id tanga Longkod Pinsingilaan Tiknik om Pidagangan (ILTP), Koupisan Kotundaan Tadon Tulun (JPSM) om Longkod Tiknologi Petroleum Petronas (INSTEP) Petronas id suang papanau ababayan pinsingilaan id ILTP kaanu popoingkawas pinsingilaan komilaan kukumaraja ih gunaon id pogun diti.

Potunud JPSM Sabah Billy Yumbod minoboros do asil piuhupan mantad limo toun nakatalib dilo, soginumu 12 ababayan pinapanau om nakaanu minoposoliwan soginumu 151 minsingilo i pakaraja id pakarajaan kinoyonon om labus pogun lolobi id kaganaan gas om petroleum.

“Pinoilo oku nogi do puru INSTEP Petronas id siriba porojik VISTA minonginsonong do ababayan diti miampai posodia sakadai kousinan toi ko sikulasip kumaa minsingilo ih nakaanu tumanud ababayan INSTEP id Sabah om Sarawak,” ka disio.

Minoboros isido miagal dilo id Ababayan Panahakan Sijil Kopupuson Pinsingilaan ILTP, do hiti di baino.

Ababayan dilo pinoimagon di Montiri Kotundaan Tadon om Kotundaan Tiknologi Kointalangan Pogun Datuk Siringan Gubat. Nokorikot nogi Monunurat Pointatap Komontirian dilo, Datuk Bruno Vun.

Tumanud dii Billy, soginumu 359 minsingilo ILTP nokorijistor montok sesi tulan Koiso gisom Kaapat diti montok tumanud 15 ababayan pinsingilaan tiknikal om pidagangan id Kampus Tagayo ILTP Papar om Kampus raan ILTP Kota Kinabalu.

Ka disio, mantad 15 ababayan dilio, 11 ababayan Sijil Kemahiran Malaysia (SKM) Tahap 1 gisom 3, iso ababayan Diploma Kemahiran Malaysia (DKM) Tahap 4 om duo ababayan sijil lanjutan miampai piuhupan do INSTEP om iso ababayan Sijil Asas Kemahiran JPSM. – Dii Sitti Nor Azizah Talata / SayangSabah

Komen


Berita Berkaitan