Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ihumon do pulis bagas kukumaraja bank

Chandra id pitimungan habar - Stenley Dominic / Sayangsabah
Chandra id pitimungan habar – Stenley Dominic / Sayangsabah

KOTA KINABALU – Bohogian Koupisan Ponoriukan Kasalaan Tagayo Pongindopuan mamaso mogihum songulun bagas Ponasihat Kousinan Misosondiri iso bank montok monguhup ponoriukan karait kiis pecah amanah tusin pinaapu saham kapaampai korugian osomok RM1 riong.

Boyoon Polis Watas, Asisten Komisioner M Chandra minoboros do kusai natandasan dilo ihumon kalapas 14 ruputan do pulis winonsoi kumaa dau id timpu 13 tulan Kolimo gisom 21 Koturu nakatalib dii siam tulun mungui om puru bank nokomoi.

“Ih natandasan nointutunan sabaagi Raphael Fred kiumur 43 toun, pokionuon rumikot id longkod tupis Pulis Watas toi ko balai pulis id somok montok monguhup ponoriukan id siriba Seksyen 420 Kanun Keseksaan,” ka disio id pitimungan habar do hiti di baino.

Tumanud disio, kiis pecah amanah dilo noilaan soira siap tulun minongoi pogintong asil pinaapu diolo nga sinunudan do puru bank aiso rikod id bank.

Toinsanan mungui kiumur 23 gisom 61 toun norugi RM727,489. Sabap dilo tulun ginumuan ih koilo hombo ih natandasan poingion, do rumomut tupisor monoriuk Inspektor Nur Dalila Hamzah (013-6171758) toi ko mongoi id balai pulis montok monguhup ponoriukan. – Dii Nuzir Andi Samsiar / Sayangsabah

Komen


Berita Berkaitan