Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Hotel, longkod kotombuluian pinokianu moi amu poindisan OKU

Sombohogian susumikul OKU id PKK popokito komilaan diolo momoguno bahasa isyarat id ababayan dilo. - foto Aryan De Vera
Sombohogian susumikul OKU id PKK popokito komilaan diolo momoguno bahasa isyarat id ababayan dilo. – foto Aryan De Vera

KOTA KINABALU – Pongusaha kotombuluian id pogun diti pinokianu manahak kosiwatan karaja kumaa tinimungan amu songkuro tinan (OKU) lolobi diolo ih haro komilaan id kaganaan pointantu.

Monguhup Montiri Kotombuluian Koubasanan om Ahal Misorili Datuk Kamarlin Ombi, minoboros do kosuul o pingisaman dilo montok monguhup do tinimungan nokomoi mingkakat id gakod sondiri toi ko berdikari.

“Pongusaha kotombuluian kosuang hotel om resort id pogun diti lansanon amu popoinndisan tinimungan OKU nga manahak kosiwatan kumaa tinimungan dilo do papaanu karaja kopiagal komilaan diolo.

“Sokiro OKU dilo amu onuan kosiwatan kumaraja soira kopupus pinsingilaan diolo, hombo poh gia ndo ngoyon diolo montok potilombus koposion om popoindalan komilaan di nabalajaran diolo,” ka disio.

Minoboros isido miagal dilo kumaa maganu habr kalapas minopotimpuun Kimpin Galakan Mambasa om Pongubasanan Tulisan Jawi id Politeknik Kota Kinabalu (PKK).

Nokotindapou nogi ih Potunud PKK, Roslee Yahya; Ponorikohon Pustakawan Malaysia Tinumungan Sabah, Zawawi Tiyunin om Ponorikohon Paanjur ih ponogi Pustakawan PKK, Ali Rashid.

Minongunsub nogi ih Kamarlin kumaa koupisan do porinta id pogun diti do manahak kosiwatan di miagal kumaa tinimungan OKU tumanud komilaan diolo. – Dii Aryan De Vera / SayangSabah

Komen


Berita Berkaitan