Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

Haro puru momoguno mogigion kampung padagang do tana: Musa

11:19pm 30/11/2015 Maryann 1 views Abal Kinoyonon,Kinoyonon,Kota Kinabalu

musa
KOTA KINABALU: Boyoon Montiri Sabah Datuk Seri Musa Aman minoboros do haro puru momoguno mogigion id labus kakadaian mooi padagang tana diolo kumaa tulun labus.

“Gokomon ku tulun di miagal dilo,” ka disio.

Ka disio kasala kopio sokiro potilombus monondos do porinta haro kogoitan ilo ahal padagang do tana mogigion labus kakadaian.

“Ilo nopo nga pongudutan, oilaan ku haro ih nosiliu ejen om (momoguno) padagang tana mogigion kampung diti, momuhu yolo sain om padagang rinibuan ekar tana,” ka disio id sesi pongulungan id pitimungan Walai Koundangan Pogun.

Boyoon Montiri minoboros miagal dilo soira minonimbar kointalangan dii Datuk James Ratib (PKR-Sugut) karait tana di pinadagang kumaa tulun labus lolobi id kinoyonon Sugut.

Ka di Musa, porinta Sabah mamaso id siriba pomorintahan do Pertubuhan Kebangsaan Sabah Bersatu (USNO) om Parti Bersatu Sabah pogulu diti minanahak tana kumaa mogigion labus kakadaian nga tana dilo pinadagang kumaa puru labus om porinta pinasala id ahal dilo.

“Hinotusan ribu ekar pinatahak kumaa tulun kampung nga soira pinatahak o tana, pinadagang diolo kumaa tulun labus,” ka disio. – BERNAMA

Apa Komen dan Pendapat Anda

Artikel Berkaitan