Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Hamisa: Kada tolikudai balajaran ugama

hamisa
TAWAU: Komolohingan om tinimungan sukod wagu id watas diti pinosorou mooi amu monolikud balajaran Al-Quran.

Monguhup Montiri Kotundaan Tadon om Komogoton Tiknologi Kointalangan Datuk Hamisa Samat, ih ponogi Puru Walai Koundangan Pogun (ADUN) Tanjong Batu minoboros do sokiro aantakan ilo, komulakan toi ko sukod wagu amu nodii koilo mambasa do Al-Quran.

“Sabap dilo tangaakan mositi unsubon do minsingilo mambasa do Al-Quran…pasarabako id tinan diolo sabaagi kotonudan koposion tohuri tadau,” ka disio.

Minoboros isido miagal dilo id Ababayan Tilawah Al-Quran Nayatan Kakadaian Tawau id Dewan Hadanah Centre, do hiti di kawawagu.

Minoboros ih Hamisa, pinsingilaan Al-Quran nopo nga kosudong potimpuunon mantad walai poh om mositi tudukan tama tina diolo suai ko posiliu koubasanan mambasa Al-Quran id tanga mogigion Islam.

Daamot dilo, ka disio, kopoonjuran do Tilawah Al-Quran kituduan poimbulai kopurimanan kumaa mogigion Islam do kosuul kopio minsingilo Al-Quran. – SayangSabah

Komen


Berita Berkaitan