Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Halikoptar natagak id Sarawak: Iso tinan tondu nabantalan

MANGSA PERTAMA
KUCHING: Tinimungan mogihum om manampasi (SAR) nokobontol iso rata tondu ih nakasait id tisan do Baang Batang Lumpur, pikikiro jam 12 pitangaadau baino.

Sumusuhut dilo, karaja mogihum mungui helikopter ih naratu pinoluas id suang radius 4 kilometer mantad kinoyonon kinabantalan do tinan kumoiso dilo.

Kosuabon baino, Luguan Montiri Datuk Seri Najib Tun Razak minoboros do piro-piro kinababakan do helikopter di natagak id Sarawak nabantalan id Batang Sadong, Simunjan misampaping do Baang Batang Lupar.

Kinababakan dilo kosuang iso rotation device, iso tirikohonon, sombohogian mantad totobon, sombohogian rotor blade om sombohogian limput di kapal.

Helikopter dilo minogowit onom tulun kosuang papanau. Iyolo nopo nga Kumoduo Montiri Porusahaan, Pomukobunan om Komoditi, Datuk Noriah Kasnon om sawo dau Asmuni Abdullah; Puru Parlimen Kuala Kangsar ih ponogi Ponorikohon Kotinanan Tumau Sawit Malaysia, Datuk Wan Mohammad Khair-il Anuar Wan Ahmad; Boyoon Monunurat Porusahaan, Pomukobunan om Komoditi, Datuk Dr Sundaran Annamalai; pangawal poribadi Noriah, Ahmad Sobri Harun om papanau tulun Polipin, Kapten Rudolf Rex Ragas. – MYNEWSHUB.CC

Komen


Berita Berkaitan