Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Gunoo porpustakaan montok momoruhang toilaan

12:07pm 18/05/2016 Maryann 0 views Abal Kinoyonon,Kinoyonon,Kota Kinabalu

jainab
KOTA KINABALU: Porpustakaan do babaino diti okon nopo ko tampat pangalasan do buuk nga posodia nogi mogisuai-suai komudahan miagal ICT om ogumu poh.

Montiri Kotundan Mogigion om Ahal Momoguno Datuk Hajah Jainab Hj. Ahmad Ayid minoboros do id timpu tiknologi do babaino diti, amu milo olimon do pogihuman kointalangan nosiliu osonong, oruhai om osikap id pompod tunturu.

“Kopuriman pogumbalan diti, tonggungan do porpustakaan sabaagi longkod kointalangan nga nokoundaliu,” ka disio soira minanahak boboroson minonutup minggu porpustakaan 2016 id Longkod Tupis Porpustakaan Pogun Sabah, do hiti di baino.

Tumanud disio Porpustakaan Pogun Sabah id siriba komontirian dau nga pogirot nogi konsip piuhukan miampai agensi suai id suang manahak ponorinaan tosonongg.

Tountoun baino montok kumoinsan nogi Porpustakaan Pogun Sabah miniuhup miampai Steadtler Luna Malaysia, ih hobo kumponi didlo minanahak toluod 90 kotak pinsil warana montok bengkel mamawarana montok tangaanak om nosukod.

“Miniuhup tokou nogi miampai Science Of Life (SOLS) ih pinili komontirian Kousinan Pisompuruan do papanay ababayan Bahasa Inggeris 1Malaysia om posodia tiyonon kumaa 260 tulun ih nokorijistor tumanud ababayan diti,” ka disio.

Ababayan dilo pohoroon poimpuli Malaysia solinaid apat tulan miampai aiso kabarai om kosudon tonudon toinsanan mogigion kosuang tangaanak kiumur mantad turu toun om ih nolohing. – SayangSabah

Apa Komen dan Pendapat Anda

Artikel Berkaitan