Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

GST: pandapatan do pogun pikikiro korikot RM3.87 billion 2015

Azizah Mohd. Dun soira minanahak boboroson id ababayan dilo. - foto Aryan De Vera
Azizah Mohd. Dun soira minanahak boboroson id ababayan dilo. – foto Aryan De Vera

BEAUFORT – Malaysia pikikiro kaanu pomoruhangan do asil soginumu RM3.87 bilion montok toun diti om RM9.09 bilion toun 2016 maya koonuan asil kopoindalanan sistom sukai kakamot om porkhidmatan (GST).
Puru Parlimen Beaufort, Datuk Azizah Mohd. Dun minoboros miampai koonuan miagal dilo popomilo porinta momoguno pandapatan dilo montok papanau mogisuai-suai kotundaan do rayat.
“Sabap diti, sabagi momoguno, apatut o mogigion onuan kointalangan moi karati iyolo diti kopoindalanan GST. Otumbayaan oku GST diti amu poposusa do rayat sabap kinopoimbulaian do model sistom sukai miagal diti noulud noh mantad om kaanu manahak koinsonongon kumaa mogigion,” ka disio.
Minoboros isido miagal dilo soira minanahak boboroson id Taklimat Kepenggunaan GST Nayatan Watas Beaufort id Dewan Pa’ Musa.
Taklimat dilo kihontolon manahak kointalangan kumaa toinsanan momuruan mogigion mantad kinoyonon Dewan Undangan Negeri (DUN) Lumadan, Klias om Membakut.
Ababayan nokomoi natanud soginumu 400 tulun, iyolo nopo nga molohingon kampung, ponorikohon komiti kotundaan om kotunggoligan kampung (JKKK), boyoon tanak pogun om momuruan kotundaan mogigion (PPM).- Dii Aryan De Vera / SayangSabah

Komen


Berita Berkaitan