Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

GST: Kompaun RM15,000 mimpuun tulan Kotolu sokiro amu korijistor

gst 15

MELAKA – Kumponi di kakal amu nokorijistor id siriba Sukai Kakamot om Porkhidmatan (GST) pikikiro kotoguang kompaun RM15,000 om asansagan do porijistor kotimpuun tadau Koiso tulan Kotolu diti, ka di Kumoduo Montiri Kousinan Datuk Ahmad Maslan.

Ka disio, laang dilo montok mogintong kopio toinsanan kumponi di alayak rumijistor id siriba GST pogulu orikot 28 tulan Koduo diti montok mangalai oontok do kompaun.

Tumanud disio, Komontirian Kousinan maya Koupisan Kastam Diraja Malaysia om Lombaga Asil Suang Pogun nokopongintutun pikikiro 50,000 kumponi ih kakal amu nokorijistor id siriba GST.

“Amu tokou potilombuson toi ko pouruton o timpu dilo sabab laid tokou noh minanahak timpu gisom kolimpupuson tulan Koduo diti.

“Amu aadang kumaa di lobi 300,000 kumponi di nokorijistor noh mantad podii tadau ko-31 tulan Kohopod om Duo nakatalib,” ka disio kumaa maganu habar kalapas ababayan kointalangan bajet om GST do hiti.

Tumanud disio, surat kopoingatan nga nokosoliwan noh montok potikidon kumaa kumponi di nakaampai om aiso pounaian diolo mangalai.

Gisom baino soginumu 315,015 kumponi nokorijistor id siriba GST. – BERNAMA

Komen


Berita Berkaitan