Sayang Sabah Facebook

Likes
Sayang Sabah Twitter

11,804

Followers

Sayang Sabah - Portal Berita Negeri Kita

Graduan Sabah pinosorou amu momili karaja: Musa

10:28pm 15/02/2016 Maryann 2 views Abal Kinoyonon,Berita Pilihan,Kinoyonon,Kota Kinabalu

cm-2-600x366
KOTA KINABALU: Tongo graduan id Sabah pinosorou mooi amu momili karaja lolobi id timpu mamaso pogun kotoguang kowowoyoon ikonomi di amu songkuro osonong, ka di Boyoon Montiri Datuk Seri Musa Aman.

Tumanud disio, graduan mositi mangahau nunu nopo kosiwatan pakarajaan ih haro montok monginsonong kopoposion sondiri om monimung do pangalaman pogulu mamagampot kalantaian id pakarajaan diolo.

“Onuo nunu nopo karaja ih poinsodia om, mantad do hilo, balajar papanau karaja miampai ososonong,” ka disio soira minopotimpuun ababayan Tomuduga Poingukab Skim Latihan 1Malaysia (SL1M) nayatan pogun id Universiti Malaysia Sabah (UMS), do hiti di baino.

Tumanud dii Musa porinta kasasari papanau tonggungan id suang mogintong lobi ogumu kosiwatan pakarajaan poimbulaion id pogun diti montok suangan do rayat kinoyonon.

Daamot dilo Boyoon Potunud Unit Perancang Ekonomi id Koupisan Luguan Montiri Datuk Seri Dr Rahamat Bivi Yusoff alanan do kumponi swasta kasasari kipomusarahan poingukab om poinsodia manahak kosiwatan kumaa graduan popokito komilaan diolo.

Ka disio, kosusaan kogumuan do tongo graduan maganu karaja sabap aiso komilaan pointantu ih porluon do industri, sundung haro kinapaasan diolo tosonong.

“Ababayan SL1M nopo nga ababayan intervensi porinta ih pinoimbulai id suang pingisaman monoibau kobolihangkangan aiso karaja id tanga graduan id pogun diti.

“Maya ababayan diti, tongo graduan onuan do pinsingilan om kosiwatan momurimon sondiri pangalaman poingkuro poingkaraja pointopot id kumponi nokomoi,” ka disio.

Ababayan SL1M nayatan pogun pohoroon solinaid duo tadau mimpuun tadau baino id Dewan Kuliah Pusat Ko-2 UMS om kapaampai soginumu 40 kumponi swasta ih posodia lobi 3,000 kosiwatan pakarajaan. – BERNAMA

Apa Komen dan Pendapat Anda

Artikel Berkaitan