Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

Gontob balajaran tangaanak mositi onuan pogintangan

11:40pm 04/01/2016 Maryann 0 views Abal Kinoyonon,Berita Pilihan,Kinoyonon,Tawau

tadika hamisa
TAWAU: Toinsanan puru kosuang tina om tapa mositi manahak pogintangan balajaran montok tangaanak diolo mooi kaanu palabus modal insan di kikualiti om kaaanu miala.

Puru Walai Koundangan Pogun (Adun) Tanjong Batu, Datuk Hamisa Samat minoboros do sabap dilo, sikul tadika nopo nga montok pasarabak balajaran tosopung id koposion tangaanak suai ko balajaran id walai.

“Konsip balajaran ih pinotuduk id sikul tadika nopo nga kaanu monuang do palabus tinimungan kawawagu ih kosiliu impohon kumaa kotundaan modal insan di osonong, kalantoi om nointutunan.

“Patasalan do modal insan diti kituduan mooi pingisaman posiliu pogun di kalantoi om mamagampot rikoton 2020 tumanud kowowoyoon do mogigion pogun diti,” ka disio.

Minoboros isido maigal dilo soira minapaharo tombului tadau koiso balajaran id SK Tanjong Batu, Tadika Kemas Tanjong Batu om Tadika Perpaduan Tanjong Batu, do hiti di konihab.

Hamisa ih ponogi Monguhup Motiri Kotundaan Tadon om Komogoton Tiknologi Kointalangan minoboros do tangaanak ih haro pilian do babaino diti nopo nga monungkus kopomuruanan pogun id timpu abantalan. – SayangSabah

Apa Komen dan Pendapat Anda

Artikel Berkaitan