Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ginumuan apatut lobi kitonggungan id talun alun

jkjr
KOTA KINABALU: Tulun ginumuan pinokianu mooi papanau tonggungan toiso-iso diolo sabaagi momoguno talun alun di kidisiplin montok mongingkuri koligaganan talun-alun id timpu koundarangan.

Monguhup Montiri Kotundaan Infrastruktur Datuk Bobbey Suan minoboros do sabaagi momoguno talun alun, mositi kasasari mingat-ingat do tonggungan madtamong koumoligan tinan sondiri om nogi koumoligan montok momoguno di suai.

“Sabap kinoingkawason ginumu koligaganan talun alun pinosurat di toun nakatalib kototongob kopio.

“Tumanud pongintaban toun nakatalib mantad Polis Diraja Malaysia (PDRM), pogun diti minoposurat soginumu 29 kinapataion id timpu tulan Kohopod om Duo miampai ginumu kapataion songulun sangadau,” ka disio.

Minoboros isido miagal dilo kumaa maganu habar kalapas minopotimpuun Kimpin Koumoligan Talun Alun timpu koundarangan do sikul om karamaian Tadau Krismas, do hiti.

Tumanud disio ginumu kinapataion pinosurat poompus toun nakatalib nopo nga soginumu 420 tulun.

Sabap dilo momoguno talun alun mositi papanau tonggungan diolo montok mongingkuri ginumu koligaganan id talun-alun lolobi kopio ih kapaampai kapataion momoguno talun alun. – Dii Dewiana Tinggolongon / sayangsabah.

Komen


Berita Berkaitan