Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ginumu koligaganan id tampat karaja nokoinsiriba 32.6 pihatus

niosh
KOTA KINABALU: Ginumu koligaganan pakarajaan om toruol kaait pakarajaan poompus hopod toun nakatalib nokoinsiriba soginumu 32.6 pihatus tumanud pongintaban mantad Perkeso, ka dii Tan Sri Datuk Seri Panglima Lee Lam Thye.

Isido ih ponogi Ponorikohon Longkod Koumoligan om Kolidasan Kukumaraja Pogun (NIOSH) minoboros do ginumu kinoinsiribaon dilo nopo nga asil pingisaman do Komontirian Tadon Tulun id suang popointutun sistom pongurusan koumoligan om kolidasan pakarajaan toi ko OSH-MS id tanga pomorunan pogun diti.

“Haro ogumu koligogon ih otoguang do kukumaraja id tampat karaja diolo. Iti kirati, ahal koumoligan om kolidasan mositi onuan pogintangan id toiso-iso karaja do monikid bohogian organisasi, amu monutun id karaja toi ko pontadbiran,” ka disio.

Minoboros isido miagal dilo soira minanahak boboroson id ababayan Permit Koumoligan DBKK- NIOSH, do hiti di konihab.

Suai koi lo, ka dii Lee Pomit Koumoligan DBKK- NIOSH kaanu poingkawas pongurusan koumoligan om kolidasan kukumaraja (OSH) id Dewan Bandaraya Kota Kinabalu (DBKK) lolobi id suang mogintong kopio koumoligan kukumaraja tongo kuntiriktor id organisasi dilo. – SayangSabah

Komen


Berita Berkaitan