Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ginayo paati komponen okon ko kopoguluanan

najib
KOTA KINABALU: Ponorikohon Barisan Nasional (BN) Datuk Seri Najib Tun Razak minoboros do ginayo toi ko saiz toiso-iso paati i nosiliu tambahut piomungan id BN okon ko kopoguluanan,sambalik dilo i lobi kiguno nopo nga hinunduk om kogompitan do paati ngawi komponen kumaa BN.

Minoboros i Luguan Montiri do id prinsip nokomoi i igitan do BN silinaid diti, papaanu do BN kotilombus monguasan gisom do Malaysia kaanu tumoguang nunu noopo taantob, id timpu kobolihangkangan toi ko asanang.

“Iyoho sabaagi Ponorikohon BN okon ko mintong do saiz do paati. Montok doho, saiz okon ko kiguno, nunu i kiguno nopo nga hinuduk om kogompitan nu. Id prinsip diti no pomogunan dotokou luminaang id dogolu. Nakalantoi tokou id kopoburuon.

“Nga BN tumilombus popointalangan do iti no paati id hombo o rayat kaanu lumansan, mongumolig kounalan toinsanan tinaru, amu monutun tinimungan tinaru toi ko ugama,” ka disido.

Minoboros I Najib diti di ontok pinolmbus pason potimpuunan do Pitimungan Lalansanon Toun Paati Pisompuruan Rayat Sabah (PBSR) do hiti di kawawagu.

Nokotindapou nogi ih Porosidin PBRS Tan Sri Joseph Kurup om i Boyoon Montiri Sabah, Datuk Seri Musa Aman. – BERNAMA

Komen


Berita Berkaitan