Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

Ginatang do Singapura sakadai Malaysia mamaso tana noguyu id Sabah

12:11am 05/04/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

anifah-aman-600x366
KOTA KINABALU: Koporintaan Singapura monongkotoluod kumaa puru kikuasa Malaysia om rayat diti lolobi id Sabah sabap minonguhup do tutumakad pogun dilo id Nuluhon Nabalu mamaso naantakan tana noguyu kitukuran 5.9 skala Richter id Ranau ontok tadau ko-5 tulan Koonom toun nakatalib.

Montiri Labus dau Dr Vivian Balakrishnan minoboros do sakadai di pinatahak do puru kikuasa Malaysia om malim gunung mamaso fasa pogihuman, manampasi om potonduli kinaantakan dilo minongidu solot kangkap tutumakad Singapura om puru paganakan diolo.

“Kinosongupan dokoyu do mingisom montok dahai, sundung ih yokoyu sondiri tumongob do kinaantakan dilo, nopo nga kointalangan di popogirot piromutan id tanga rayat om piombolutan di nokoimbulai id pialatan duo pogun,” ka disio id ababayan Resepsi ‘Post-Sabah Earthquake-Thank You’ pinaanjur do Komontirian Labus Singapura do hiti di totuong tadau Koonom.

Nokotindapou nogi ih Montiri Labus Datuk Seri Anifah Aman.

Minoboros ih Vivian do sabaagi kopoilaan kumaa kopokionuan tulun ginumuan, Komontirian Balajaran Singapura om Yayasan Temasek miampai poimbulai Dana Gempa Bumi Sabah ontok tulan Koonom 2015 om ogumu rayat Singapura om minopotoluod korporat minanahak toluod.

Ka disio soginumu S$100,000 (RM289,000) notimung montok monguhup di malim gunung om jurulatih mindakod id Sabah ih nokotikod noh kumaa Tabung Bencana Gempa Bumi ih nulud do Taman-Taman Sabah.

“Alansan yahai sakadai dilo nakaanu minonguhup do malim gunung om jurulatih mindakod momonsoi kawagu koposion diolo,” ka disio. – BERNAMA

Apa Komen dan Pendapat Anda

Artikel Berkaitan