Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

GiatMara mingisom manahak komilaan kumaa komulakan: Jaujan

Jaujan (id toguang, tanga) miampai di Zulkifli (ponong wanan di Jaujan) guminambar miampai susumikul om mongingia GiatMara.
Jaujan (id toguang, tanga) miampai di Zulkifli (ponong wanan di Jaujan) guminambar miampai susumikul om mongingia GiatMara.

KOTA KINABALU: GiatMara mingisom do manahak ponontudukan om komilaan kumaa komulakan kinoyonon moi kopiala tinaru suai id pogun diti, ka di Ponorikohon dau Dato’ Dr. Haji Jaujan Haji Sambakong.

Ka disio, GiatMara nopo nga longkod pinsingilaan montok manahak komilaan kumaa sukod wagu id kakadaian om labus kakadaian moi kopiala komulakan suai id pogun diti.

“Kinalantaian do GiatMara miming nointutunan noh mantad noturidong ilo di toun 1986. Gisom baino soginumu 232 GiatMara poimpuli pogun,” ka disio.

Minoboros isido miagal dilo id ababayan Panahakan Padsakaian “Reduce Reuse and Recyle”(3R) Polis Diraja Malaysia (PDRM) kumaa GIATMARA Pulau Pinang id GIATMARA Permatang Pauh, Pulau Pinang.

Potunud Koupisan Sumber Strategik om Tiknologi (StaRT) Polis Di Raja Malaysia (PDRM) Dato’ Pahlawan Zulkifli Abdullah minapatahak Siam padsakaian om 4 motosikal napakai kumaa GiatMara Pulau Pinang montok pimbalajaran do susumikul.

Minoboros ih Jaujan do, mulong potuu GiatMara manahak ponontudukan kumaa tangaanak di haro kinapaasan tosiriba miagal koilo noh 3M (Mambasa, Monulis om Orohian) nga kakal ogumu id tanga diolo kosiliu mongingia om pogiahaon do touki do kumaraja id kumponi diolo.

Suai ko ilo, ogumu nogi id tanga diolo ih nosiliu mogindapu di nakalantoi id pogun diti. Gisom baino soginumu 620 tulun mogindapu nakalantoi ih nakaanu pinsingilaan id GiatMara. – Sayangsabah

Komen


Berita Berkaitan