Kopoilaan do gatang kawawagu petrol id Malaysia tantu noh do kosiliu iso ahal di piandad-andad do toinsanan rayat pogun diti.
Kumoduo Montiri Kousinan, Datuk Ahmad Maslan minanahak do pokikitanan tosopung karait gatang runcit petrol RON95 om Diesel ih koimpuun diti toun 2015.
Ahal dilo nokito maya akaun Twitter disio di ontok tadau ko-30 tulan Kohopod om Duo 2014.

Minopoilo isido do gatang runcit montok petrol RON95 om diesel pikikiro koinsiraba mantad RM1.90 gisom RM1.95 solitor kotimpun tadau Kaapat, ko-1 tulan Koiso 2015.
Maya Tweet dilo, isido nga lumansan nogi kumaa mogigindapu do poinsiriba gatang kakamot sasabapp kinoinsiribaan gatang do runcit tumau.
Poingkuro poh, gatang runcit montok Petrol om Diesel ontok tulan Koiso 2015 mangan poumumo pointopot dii Komontirian Pidagangan Suang Pogun om Momoguno (KPDNKK) tadau baino, k0-31 tulan Kohopod om Duo.
Gatang do RON95 babaino diti nopo nga RM2.30 solitor om diesel RM2.20 solitor kalapas pinoumum do porinta pomunsaan subsidi tumau di tulan Kohopod om Iso nakatalib. -MYNEWSHUB