Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Gatang barang id Sabah nokoingkawas 10 pihatus

harga
KOTA KINABALU – Gatang do barang toi ko kakamot id piro-piro watas id pogun diti minopokito kinoingkawason pikikiro 10 pihatus sasabap mogisuai-suai tadon kosuang nogi korumbakan sandad miagal luyud.

Sandakan, Tawau, Beaufort, Semporna om Lahad Datu pinoruput nokoingkawas pikikiro 10 pihatus.

Montok gatang barang id Kota Kinabalu, Keningau, Tuaran om Kudat kakal miagal dilo gatang runcit id pidagangan.

Boyoon Monunurat Komontirian Pidagangan Suang Pogun, Koperasi om Momoguno (KPDNKK) Datuk Alias Ahmad, minoboros do mogisuai-suai faktor papasabap kinoingkawason toiso-iso kakamot kosuang nogi ahal karait koumoligan om korumbakan sandad misorili.

“Poingkuro po haro nogi kinoinsiribaon do gatang barang soginumu duo gisom limo pihatus id piro-piro kinoyonon id Sabah,” ka disio.

Minoboros isido miagal dilo kumaa manganu habar kalapas minomuruan Ops Catut ih pinapanau miampai ponguhupan Monguatkuasa KPDNKK om Koupisan Imigresen id Foh Sang Luyang di kawawagu.

Minanahak nogi isido kopoingatan kumaa mogindapu ngawi do amu poposiliu faktor miagal dilo do alasan montok popoingkawas gatang barang miampai aiso kopotutan. – Dii Nuzir Andi Samsiar / sayangsabah

Komen


Berita Berkaitan