Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Garduan ILPT nunsub popoimbulai kosiwatan pakarajaan

Siringan Gubat (koduo mantad wanan) patahak Sijil Susumikul Goos Tosonong kumaa di Katelynnade Sitanis (tolu mantad gibang) id ababayan panahakan sijil kopupuson pinsingilaan id Kota Kinabalu.-  Foto Ille Tugimin/SayangSabah
Siringan Gubat (koduo mantad wanan) patahak Sijil Susumikul Goos Tosonong kumaa di Katelynnade Sitanis (tolu mantad gibang) id ababayan panahakan sijil kopupuson pinsingilaan id Kota Kinabalu.- Foto Ille Tugimin/SayangSabah

KOTA KINABALU – Garaduan apatut popoimbulai kosiwatan pakarajaan sondiri maya komilaan di binalajaran mamaso minsingilo id longkod pinsingilaan om amu lumansan tomod ponguhupan tulun suai toi ko magandad onuan karaja.

Laang dilo kopiagal dilo ponuhuan do porinta moi graduan ngawi mimparagat id pongindopuan sondiri ih kaanu manahak pandapatan tosonong.

Montiri Kotundaan Tadon om Komogoton Tiknologi Kointalangan Pogun Datuk Siringan Gubat minoboros do pakaraja sondiri toi ko papanau pongindopuan, toinsanan graduan apatut haro kowowoyoon tosonong miagal, integriti om kitonggungan montok papanau toiso-iso karaja.

“Nunu ih kosuul, pingisaman do mamagampot nunu iman-imanon,” ka disio soira minanahak boboroson id Ababayan Panahakan Sijil Kolimpupuson Pinsingilaan Latihan Institut Latihan Teknik dan Perdagangan (ILPT) Sesi 1/2015, do hiti di baino.

Nokotindapou nogi ih Potunud Koupisan Kotundaan Tadon Tulun (JPSM) Billy Yumbod om Monunurat Pointatap Komontirian Kotundaan Tadon om Komogoton Tiknologi Kointalangan Pogun, Datuk Bruno Vun.

Id ababayan dilo, soginumu 51 minsingilo nokopupus pinsingilaan solinaid tolu om onom tulan id ababayan monguliding om ababayan minglumis turos om tobuk, nakaramit sitipikit mantad di Siringan. – Dii Sitti Nor Azizah Talata / SayangSabah

Komen


Berita Berkaitan