Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Festival Jazz Kota Kinabalu popokito susuminding sompomogunan

KKJF-Logo-1.83MB

KOTA KINABALU- Karamaian Festival Jazz Kota Kinabalu (KKJF) Ko-9 popokito ginumu susuminding nointutunan id nayatan sompomogunan.

Porosidin Kolab Rotary Kota Kinabalu(RCKK), Jack Ong minoboros do, festival dilo ih pohoroon ontok tadau ko- 24 gisom 25 tulan Koturu diti id Sutera Harbour tantu kosiliu iso kasarahan di amu olihuan tulun tutumombului.

Daamot dilo Porosidin SPArKS, Roger Wang minoboros do festival do baino diti popokito apat tinimungan band om popouni tuunion toi ko pemuzik sompomogunan miampai siam susuminding nointutunan Malaysia.

“Pengacara TV om selebriti nointutunan id Malaysia miagal dii Daphne Iking koguli kawagu posolimbou konsert dilo,” ka disio id pitimungan habar.

Tumanud disio, susuminding dii manahak pokikitanan kosuang nogi Bobby Taylor om Shun Ng dari USA, Gugun Blues Shelter om The Rio Sidik Quartet mantad Indonesia, May Mow, Liyani Fizi om Faizul Sany mantad Malaysia.

Amu olihuan susuminding kinoyonon miagal Suria Buskers, Quadro Forte, Headhunters, Eilvane Chieng, Prthaz band om Supertonik mantad Labuan.

Festival dilo kotimpuun jam 7 totuong gisom 11 totuong. Tulun ginumuan di orohian mintong konsert dilo kaanu momoli tikit id kaunter padagangan do tiket ih ukabon id posorili Kota Kianbalu miampai gatang RM100 songulun montok sontotuong om montok duo tuong soginumu RM150. – Dii Dewiana Tinggolongon / SayangSabah

Komen


Berita Berkaitan