Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Feri padsakaian nolondod: 166 natampasi

12:45pm 09/01/2016 Maryann 0 views Abal Kinoyonon,Kinoyonon,Tawau

feri karam -selamat
SEMPORNA: Toinsanan 166 tulun kosuang walu kru om kapten iso feri padsakaian ih nolondod id kowoitan Labuanhaji, Semporna pikikiro jam 8 totuong tadau Kaapat, natampasi.

Tupisor Watas Semporna, Dr. Chacho Bullah minoboros do feri dilo ih koporumpos 160 ginumu, sinakai 158 susumakain tulun Malaysia om okon ko tulun songkosuaian ih mamaso id tindalanon kumaa Semporna mantad Bongao, Filipina.

Ka disio, koligaganan dilo naantakan soira feri Zuhairi Port Kelang dilo ih minimpuun mamanau kumaa Semporna pikikiro jaam 2.30 sosodopon mantad Bongao, nokopitugu iso tongkang (scow) aiso suang ih koubasanan nopo nga mogowit bakal toi ko pasir id tampat kinaantakan.

Tumanud disio, aiso tulun nokorundun id kinaantakan dilo nga piro-piro tulun pinoruput nosindualan nga amu oindamaan om nakaatod noh kuminaa Walai Pongubatan Semporna montok mokianu pongusapan.

Karaja dilo kapaampai mogisuai-suai puru kosuang Tinimungan Polis Marin (PPM), Puru Monguatkuasa Maritim Malaysia (APMM), Koupisan Kolidasan, Walai Pongubatan Semporna, Koupisan Bomba om Manampasi, Koupisan Palabuhan om Dermaga om nogi ESSCOM.- Dii Alanna Adam/Sayangsabah

Apa Komen dan Pendapat Anda

Artikel Berkaitan