Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Felicia Mikat naalap montok ‘flag-off’ tutumangkus kotundunan UNITAR SIDMA

12:30am 22/01/2016 Maryann 1 views Abal Kinoyonon,Berita Pilihan,Kinoyonon,Kota Kinabalu,Sipoot

sidma
KOTA KINABALU: Puru paanjur UNITAR SIDMA Charity Fun Run 2016 minomili’ di tutumangkus kabansaan kaandasan i Felicia Mikat do potimpuun ‘flag-off’ toi ko kopotimpuunan tutumanud manangkus.

Ponorikohon Komitikuasa’ Mononorina’ Dr. Morni Kambrie minoboros do suai ko’ Felicia, kaampai po nogi’ id kopoiduan do tutumangkus dilo’ do ko 13tw Koduo doid Kompleks Sipoot Likas, i Kumoduo Canselor UNITAR i Prof Madya Dr. Sakina Sofia Baharom.

Montok kinapaatadan do kapangalapan dilo’, i Dr Morni miampai di Luguan Eksekutif SIDMA College i Azizah Khalid Merican di konihab minooi doid Sikul Mananga’ Kabansaan (SMK) Badin Tuaran, id sikul sinikulan di Felicia do babaino’.

Pinointalang di Dr Morni do ounsikou yolo’ sabab nookunan di Felicia monumboyo’ do kinapangalapan nokomoi. Minongomi potilombus, ka disio kinopomilian di Felicia sabab no do naangayan om kinalantaion di atlit nokomoi i nakaanu tolu midol amas doid Sipoot ASEAN ko-8 i nokoindalan doid Singapura di koompokon toun nakatalib.

Kokomoi do UNITAR SIDMA Charity Fun Run, ka di Dr. Morni, gisom babaino’ diti nakatalib no do 1,500 upalai kotonudan di nakaramit om kakal poingukab kotonudan gisom ko 10tw Koduo obontol minongiikiro do kosigampot ilo’ gisom do 2,000 tulun.

Pinopoilo isio do ontok tadau ponongkusan dilo’, pohoroon po nogi’ o pokiikitanan motor i koponimung di lobi 200 mutusoikol mogisusuai ponit kaampai no skuter, motorcross om motard, ‘kapcai’ om mutusoikol siriba’ 200cc.

Tulun ginumuan i orohian tumanud do ponongkusan dilo’ kaanu mongilo potilombus maya’ do www.unitarsidmarun.com toi monolipaun id numbur 088-732 000.

Naamot dino, montok di sanganu mutusoikol siriba’ 200cc i orohian umampai id pokiikitanan kaanu do momoromut di Zain Azrai ((016-819 7850).

Yuran kotonudan ponongkusan dilo’ nopo nga’ RM60 songulun, naamot yuran montok pokiikitanan mutusoikol nopo nga’ RM5. – SayangSabah

Apa Komen dan Pendapat Anda

Artikel Berkaitan