Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Fasa koduo ponoriukan mogigion Pala’u papanahon tulan Kowalu

palau

SEMPORNA: Fasa koduo ponoriukan ginumu mogigion Pala’u toi ko Bajau Laut id posorili kowoigan watas diti mangan papanaho kotimpuunon tulan Kowalu diti, ka di Komander Kinoyonon Kotungoligan Poimbida Tisan Kosilahon Sabah (Esscom) Datuk Abdul Rashid Harun.

Ka disio kosuul o ponoriukan dilo sabap haro titondos kotonudan sombohogian tulun Pala’u id karaja di kaanu mongundaraat kotungoligan pogun kosuang nogi sabaagi tali barut kumaa sangod.

Ponoriukan dilo nga kosuul nogi montok maganu kointalangan pointopot karait ginumu mogigion om manangwalai suai ko demografi karait mogigion ih kiningkokoton mogigion om okon ko mogigion kinoyonon, ka disio.

“Mada tokou mogigion Pala’u kosiliu tali barut toi ko popologos tinan diolo gunaon puru pointantu montok papanau karaja taraat lolobi id Zon Atampasi Kosilahon Sabah (Esszone).

“Sabap dilo, papanahon tokou ponoriukan mogigion Pala’u montok mongulud do palan laang tanaru lolobi mantad ahal kotungoligan,” ka disio soira minanahak kointalangan karait kotungoligan id ababayan Al Falah (mongukab puasa) id Masjid Tampi-Tampi Darat, somok hiti di konihab.

Nokorikot nogi Potunud Bohogian Operasi Udara Esscom Brig Jen Abd Razak Ahmad om Boyoon Pulis Watas Semporna Supt Peter Anak Umbuas. – BERNAMA

Komen


Berita Berkaitan