Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

FAM tagal momirubat tusin maganu jurulatih labus: Khairy

KHAIRY

KOTA KINABALU – Pingisaman do popoguli kawagu ningkokoton tosonong bola sepak pogun okon ko mositi momoguno jurulatih songkosuaian montok monontuduk tinimungan pamain kabansaan.

Montiri Komulakan om Sipoot Khairy Jamaluddin minoboros do laang dilo kopomirubat nopo tusin Kotinanan Bola Sepak Malaysia (FAM).

“Boboroson ku atalang mantad dii gulu gisom baino do amu tokou tagal maganu jurulatih mantad labus sabap momohimatak nopo do tusin FAM sabap jurulatih mantad labus nga amu kaanu manampasi tinimungan ih haro mantad,” ka disio.

Minoboros isido miagal dilo kumaa maganu habar kalapas nokotindapou id ababayan mongukab puasa pinaanjur Komulakan Umno Sabah do hiti sosodopon konihab.

Minoboros ih Khairy miagal dilo soira mongulas kointalangan Porosidin FAM, Tengku Abdullah Sultan Ahmad Shah do kotinanan dilo apatut monoriuk kawagu do potilombus momoguno jurulatih kinoyonon toi ko mundaliu kumaa jurulatih labus sasabap ningkokoton do Malaysia kakal amu nokoundaliu.

Tumanud si Khairy, pogun diti oporlu magandad limo toi ko 10 toun abantalan montok toinsanan pamain komulakan mantad ababayan Harimau Muda mongolon dilo pamain mantad. – Dii Sitti Nor Azizah Talata / SayangSabah

Komen


Berita Berkaitan