Sayang Sabah Facebook

Likes
Sayang Sabah Twitter

11,669

Followers

Sayang Sabah - Portal Berita Negeri Kita

Fabian bontugan pialaan mogusa MC2016

10:25pm 02/01/2016 Maryann 2 views Abal Kinoyonon,Berita Pilihan,Kinoyonon,Kota Kinabalu,Sipoot

larian matunggong
MATUNGGONG: Fabian Osmond Daimon mantad Tamparuli bontugan id bohogian poingukab 30 kilometer larian lasak Matunggong Challenge (MC) 2016 ih pinaharo do hiti di konihab.

Mantad kinamanangan dilo, nakaramit isido tutungkap tusin RM2000, medal om sijil kotonudan.

Tukad koduo om kotolu naanu dii Wincentbert Latius om Sapikin Sumpin mantad Ranau. Koduo-duo diolo nakaramit tusin toiso-iso RM1000 om RM700, medal om nogi sijil kotonudan.

Toinsanan tutungkap dilo pinatahak di Puru Walai Koundangan Pogun (ADUN) Matunnggong, Dato’ Jelani Hamdan ih ponogi Porosidin Kotinanan Momogun Rungus Sabah (SAMORA).

Tutumanud bohogian poingukab 30 kilometer mogusa mantad Puruvan Square id Kakadaian Matunggong kumaa Kampung Matunggong, maya Kg Toporoi, Kg.Tigaman Darat, Kg Tampi, Kampung Teringai om kopupus id Tisan Rahat Teringai Mandavang.

“MC 2016” miampai tema “MC 2016” Run for a Cause” kapaampai 4 bohogian, ilo nopo nga Mogusa Poingukab (30 KM (kilometer)), Larian Veteran-10 KM, Larian 15 KM om Larian 3 KM montok tangaanak.

Montok bohogian veteran 10 KM, tukad koiso naanu dii David Sandi mantad Kota Marudu. Tukad koduo om kotolu naanu dii Dimih Saladan mantad Tamparuli om Rayim Sidik mantad Kota Kinabalu.

Daved Simpat mantad Ranau nosiliu bontugan bohogian kusai (15km). Yusop Tungkob mantad Tenom tukad koduo om kotolu naanu dii Safrey Samping mantad Ranau.

Montok bohogian koonduan 15KM, tukad koiso naanu dii Eyeliah Rubidie mantad Kota Marudu, tukad koduo om kotolu naanu dii Kona Liau mantad Pitasom Hailin Derixon mantad Bandau.

Daamot dilo Jonelldey John nosiliu bontugan bohogian tangaanak (3KM). Lerry Lazarus om Jack nakaanu tukad koduo om kotolu. – Sayangsabah

Apa Komen dan Pendapat Anda

Artikel Berkaitan