Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

Esszone otungolig om aantaban: Najib

2:58pm 31/03/2016 Maryann 0 views Abal Kinoyonon,Kinoyonon,Kota Kinabalu

esszone2-600x367-600x367
KUALA LUMPUR: Tinimungna koumoligan kasasari miintong intong kumaa nunu nopo pongundoronok id Zon Atampasi Kosilahon Sabah (Esszone) sundung kinoyonon diloo aantaban do babaino diti, ka di Luguan Montiri Datuk Seri Najib Tun Razak.

Minoboros isido do tinimungan koumoligan maya agensi nakaampai miagal Tinimungan Susumangod Malaysia (ATM), Polis Diraja Malaysia (PDRM) om Agensi Monguatkuasa Maritim Malaysia (APMM) poinsodia tumoguang nunu nopo komungkinan pongundoronok kosuang kointalangan karait pogumbalan monongoi.

“Esscom (Kinoyonon Koumoligan Poimbida Tisan Kosilahon Sabah) kasasari mingisom montok momunso nunu nopo ponoruangan om panangayan mantad aantakan, nga poingkuro po tuundoronon miagal ‘kidnap for ransom’ kakal aantakan sokiro amu tokou nooh miintong-intong,” ka disio.

Minoboros isido miagal dilo soira minonimbar ponghatan id Pisidangan Dewan Rakyat do hiti di konihab.

Minonimbar isido ponguhatan dii Datuk Raimee Unggi (BN-Tenom) ih mokianu Luguan Montiri pointalang gontob koumoligan kosuang prasarana puru koumoligan montok poimpuli Esszone sundung tolu noh toun nakatalib mantad naantakan ponoruangan tinimungan tulun taraat id Kampung Tanduo, Lahad Datu.

Minoboros ih Najib do gisom naantakan panangayan kolimpupuson ko-114 tulan Kolimo toun nakatalib, Esscom nakaanu minangantob piro-piro pogumbalan miampai kosukupan om kamampuan id timpu-timpu. – BERNAMA

Apa Komen dan Pendapat Anda

Artikel Berkaitan