Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom, SPRM papanau karaja momunso “musuh dalam selimut”

Hashim Justin. – foto Monica Gidong / SayangSabah
Hashim Justin. – foto Monica Gidong / SayangSabah

PITAS – Kinoyonon Kotungoligan Poimbida Tisan Kosilahon Sabah (Esscom) miampai ponguhupan Suruhanjaya Pangantaban Susuap Malaysia (SPRM) pikikiro papanau karaja tagayo amu alaid mantad baino montok momunso kobolihangkangan integrity id tanga kukumaraja porinta lolobi ih pakaraja id bohogian monguasa id on Atampasi Kosilahon Sabah (Esszone).

Kumoduo Potunud Porisikan Esscom Asisten Komisioner Hashim Justin minoboros do puru disio monorisid pointopot kobolihangkangan dilo om mingisom do popoidu kukumaraja porinta bohogian monguasa id Esszone mantad kobolihangkangan integriti

“Esscom do babaino diti kotoguang duo ancaman kotungoligan, ilo nopo nga mantad suang om labus. Anccaman dii otoguang mantad suang okon nopo ko id tanga modidikot songkosuaian aiso kasagaan (PATI) ih nosiliu tali barut nga mantad nogi kukumaraja monguatkuasa ih kaampai susuap papasanang kosuangon PATI om karaja monoludup id Esszone,” ka disio,

Minoboros isido miagal dilo soira minanahak boboroson id ababayan mongukab puasa pinaanjur do Esscom id Masjid Pangiran Haji Abdul Karim, Kampung Kalumpang, somok hiti di konihab.

Nokotindapou nogi ih Boyoon Tupisor Eksekutif Esscom, Ruji Ubi om Potunud Longod Oporasi Esscom Brig. Jen. Datuk Tuan Roslan Tuan Ismail. – Dii Monica Gidong / SayangSabah

Komen


Berita Berkaitan