Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ESSCom, Renjer Taman Kinabalu wookon apat nakaramit Tutungkap Poimbida Montiri

masidi
KOTA KINABALU: Kinoyonon Koumoligan Poimbida Tisan Kosilahon Sabah (ESSCOM) om Renjer Taman Kinabalu nopo nga wookon apat mamaramit Tutungkp Pombida Montiri id Tutungkap Kotombuluian Sabah 2015 di kawawagu.

Mamaramit do suai montok tutungkap dilo ih pinotunui di Montiri Kotombuluian, Koubasanan om Ahal Posorili Sabah Datuk Seri Masidi Manjun nopo nga kumponi podtuludan tosiriba tambang AirAsia om monunuduk ralan Taman Kinabalu ih nakaampai id karaja manampasi mamaso noguyu tana id Ranau, tulan Koonom nakatalib.

Tutungkap Kotombuluian Sabah, pinaanjur Lombaga Kotombuluian Sabah om Sri Pelancongan Sabah, pinaharo monikid duo toun montok mamagatang toluod misosondiri om organisasi id uang pomorunan kotombuluian.

Masidi id boboroson dau minamarayou do renjer om mononuduk ralan Taman Kinabalu sabap kinobulunon om pingisaman manampasi mamaso naantakan tana noguyu id Ranau toun diti lolobi kopio renjer kanan taman dilo Martin Moguring, Gregory Duanis om Mithun Jay Langgim.

“Monunuduk ralan gunung om renjer tokou nopo nga piro-piro tulun di goos abarani id kinoyonon diti. Iyolo okon nopo ko aparu nga kaanu minopotoluod karaja tosonong id timpu kinaantakan tana noguyu id Ranau,” ka disio. – BERNAMA

Komen


Berita Berkaitan