Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom posodia monguhup SESB

sesb3

LAHAD DATU: Bohogian Kinoyonon Koumoligan Poimbida Tisan Kosilahon Sabah (Esscom) poinsodia monguhup om misokodung miampai Sabah Electricity Sdn Bhd (SESB) om nogi agensi kokuasaan do suai montok manalasai kobolihangkangan pongoputan kosukupan lotirik aiso kasagaan id Zon Atampasi Kosilahon Sabah (Esszone).

Boyoon Tupisor Eksekutif Esscom Ruji Ubi minoboros do puru disio kasasari poinsodia manahak sakadai di pinokianu lolobi montok ahal panamangan koumoligan ontok karaja mogihum pomodokoton lotirik aiso kasagaan do papanahon.

“Au koidu o Esscom mantad tonggungan monguhup do rayat id nunu nopo ahal di gunoon, di pogulu diti, SESB nga naalap nogi tumanud do operasi pisompuruan mangasu songkosuaian modidikot aiso kasagaan ih pinapanau id onom watas Esszone,” ka disio id iso kointalangan do hiti di tadau Kotolu.

Tadau Koiso nakatalib, songulun tupisor bomba, i Apolos Jeromos, 25, nokorundun noiduan ginawo noontok karon lotirik sabap pongoputan lotirik aiso kasagaan, mamaso nakaampai id karaja momisok tapui id kongungutan Taman Kenari, Batu 7, Sandakan.

Pongoputan dawai aiso kasagaan dilo kikotumbayaan montik gunoon do iso tinimungan walai sotinggan poinsuok id kinoyonon kongungutan dilo.

Songkosodpo, minokianu ih Potunud Koupisan Bomba om Manampasi Sabah Nordin Pauzi mooi laang onuon montok mongilo kopio kaantakan dilo amu ohulit om kinapatayon di Tongotiagak Apolos kaanu kaadangan di kosudong. – Bernama

Komen


Berita Berkaitan