Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ESSCOM popogumu ababayan kointalangan ahal kotungoligan

esscom 2
LAHAD DATU – Kinoyonon Kotungoligan Poimbida Tisan Kolisahon Sabah (ESSCOM) popoingumu ababayan pirubaan miampai momuruan mogigion id nayatan kampung montok manahak kointalangan karait ahal kotungoligan do babaino diti.

Boyoon Tupisor Eksekutif ESSCOM Ruji Ubi minoboros do, suai ko ilo ababayan dilo nga kihontolon manahak kointalangan karait laang osikap do porinta id suang manalob kosuangon modidikot songkosuaian aiso kasagaan (PATI) id Sabah lolobi id Zon Otungolig Kolisahon Sabah ( ESSZONE).

“Ababayan diti nga kaanu nogi popoimbulai piuhupan miampai mogigion id toinsanan nayatan suai ko popoingkawas sunduan oupus pogun om miampai madtamong koumoligan,” ka disio.

Minoboros isido miagal dilo soira minanahak boboroson id Ababayan Pitimungan Tulanan ESSCOM id Dewan Pangkalan Pasukan Polis Marin Lahad Datu, hiti di baino.

Nokorikot nogi ih Komander ESSCOM Datuk Abdul Rashid Harun, Boyoon Bohogian Tadbir/Logistik ESSCOM Brig Jen Subari Tomo om Kumoduo Boyoon Bohogian Porisikan ESSCOM Brig Jen Datuk Md Rahim Mohamad.

Tumanud di Ruji, kosuul kointalangan miagal dilo moi karati o rayat id sampaping karaja do mongintutun om manangkap do PATI, kosuang karaja id ‘Ops Gasak’ om ‘Operasi Bersepadu Khas’ ih do babaino diti mamaso poindalanon id piro-piro watas ESSZONE.

Ka disio, Operasi Bersepadu Khas dilo nopo nga pinapanau sumusuhut mantad Ruputan Suruhanjaya Ponoriukan Diraja Karait PATI id Sabah om arahan Boyoon Montiri Sabah Datuk Seri Musa Aman moi karaja tagayo mangan papanaho do manalasai PATI id pogun diti.

“Karaja madtamong koumoligan amu apatut patahakon poimponu kumaa puru koumoligan nga ilo nopo nga tonggungan toisanan kosuang nogi mogigion id ESSZONE,” ka disio.

Daamot dilo, ka di Abd Rashid, kukumaraja id ESSZONE apatut miiso montok mamagampot visi om misi porinta id suang madtamong kotungoligan.

“Toinsanan puru minopokito pingisaman di akawas montok papalantoi Operasi Bersepadu Khas lolobi kopio magasu do PATI id Lahad Datu, Tawau om Semporna.

“Aiso tadau, aiso operasi … potilombuson tokou papanau operasi,” ka disio. – BERNAMA

Komen


Berita Berkaitan