Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ESSCOM popogirot karaja magasu PATI, minanahan 240 tulun id kakadaian Lahad Datu

esscom-600x367 (1)

LAHAD DATU, 9 Jan : Soginumu 240 modidikot songkosuaian aiso kasagaan (PATI) tinahan id karaja miuhup poimbida ih pinapanau Kinoyonon Kotungoligan Poimbida Tisan Kolisahon Sabah (Esscom) id piro-piro kinoyonon posorili kakadaian Lahad Datu, di tadau baino.
Komander Esscom DCP Datuk Abdul Rashid Harun minoboros do karaja dilo pinapanau sumusuhut pongumuman asil ruputan Suruhanjaya Ponoriukan Diraja (RCI) karait PATI id Sabah.
Ka disio, karaja miuhup dilo tinanud mogisuai-suai puru kosuang noga bohogian monguasa Tupis Watas Lahad Datu om puru agensi pogun om pisompuruan id kakadaian kadai jalan Teratai, pasar sada, om pomuwalaian kawawagu id Lahad Datu.
Tumanud disio, PATI di tinahan pinatahak kumaa koupisan Imigrisin montok pomorisaan om potilombus prosis paatadan muli id pomogunan diolo.
“Amu dahai tingkadan o karaja magasu PATI lolobi id kinoyonon kakadaian Lahad Datu gisom oborisi iti mantad PATI,” ka disio, id suang kointalangan hitii di konihab.
Minomisunud nogi ih Abdul Rashid kumaa touki om tulun kinoyonon lolobi id Zon Atampasi Kolisahon Sabah (Esszone), moi amu monungolig do PATI.
Esszone nopo nga kosuang 10 watas id kinoyonon 1,733.7 kilometer mantad Kudat kumaa id Tawau kosuang Kota Marudu, Pitas, Beluran Sandakan, Kinabatangan, Lahad Datu, Kunak om Semporna. — BERNAMA

Komen


Berita Berkaitan