Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom poinsodia tumoguang kaantakan koduo ponoruangan panganas Sulu

ESSCOM 06
LAHAD DATU: Puru Kinoyonon Kotungoligan Poimbida Tisan Kolisahon Sabah (Esscom) kasasari poinsodia tumoguang nunu nopo kaantakan kosuang kaantakan koduo ponoruangan panganas Sulu, ka di Komander Esscom Datuk Abdul Rashid Harun.

Ka disio, puru kotungoligan Esscom mamaso mogintong tosorisid toinsanan kointalangan di naramit karait ahal dilo.

“Mimang nokorongou tokou do aantakan poh kawagu pogumbalan kumoduo ponoruangan pangganas. Mulong do ingkaa puru kotungoligan tokou mamaso mogintong tosorisid om maganu laang karait ahal dilo kosuang miuhup kointalangan ponoriukan miampai piro piro pogun sampaping.

“Mositi mintong intong om kasasari tokou poinsodia montok tumoguang nunu nopo kaantakan,” ka disio kumaa maganu hbar ih tuminanud Ababayan Tombului Esscom miampai maganu habar id Tanduo, pikikiro 150 kilometer mantad hiti.

Nokorikot nogi ih Boyoon Tupisor Eksekutif Esscom Ruji Ubi, Potunud Logistik om Urustadbir Esscom Brig Jen Subari Tomo om Potunud Komponen Puru Monguasa Maritim Malaysia Laksamana Pertama Maritim M Karunanithi.

Minoboros ih Abdul Rashid miagal dilo soira pinokianu minongulas kabar tongus do aantakan kaka golombang koduo ponoruangan panganas Sulu.

Sabap dilo ka disio, Esscom minaganu mogisuai suai laang pangantaban montok tumoguang nunu nopo pogumbalan kosuang nogi momoruahang aset-aset kotungoligan om portahanan om ginumu puru. – BERNAMA

Komen


Berita Berkaitan