Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ESSCom monoriuk kopoindalanan kawagu karaja id ESSZone

esscom3-600x367
LAHAD DATU – Kinoyonon Kotungoligan Poimbida Tisan Kolisahon Sabah (ESSCom) papanau ponoriukan kawagu kopoindalanan karaja id Zon Atampasi Kolisahon Sabah (ESSZone) montok monginsonong sistom om prosedur karaja ih gunoon toinsanan puru id ESSCom.

Komander ESSCom Datuk Abdul Rashid Harun minoboros do kosuul kopio ponoriukan dilo montok poposinang do ESSCom popiagal karaja toinsanan puru om aset montok manangod kasalaan misampaping om karaja ih amu tumanud kooturan pogun.

Ka disio, kalapas noulud kawagu ESSCom di tadau ko-18 tulan Koturu toun nakatalib, aiso katatapan om pinonimbanan di atalang karait kopoindalanan karaja om nogi prosedur karaja id suang ESSCom ih popohompit Pulis Diraja Malaysia (PDRM), Tinimungan Sumumangod Malaysia (ATM) om Agensi Monguasa Maritim Malaysia (APMM).

“Ponoriukan kawagu diti kosuul moi nunu nopo birokrasi toi ko sistom om prosedur karaja dii amu relevan mangan insanangai montok popomilo do ESSCom kumaraja sabagii iso tinimungan om manahak sisimbar di osikap om kiwaya,” ka disio soira minongukab Bengkel Ponoriukan Kawagu ESSCom, hiti di baino.

Bengkel limo tadau nokotimpuun tadau baino dilo natanud toinsanan tupisor ESSCom mantad toinsanan raan porkhidmatan PDRM, ATM om APMM.

Nokorikot nogi ih Kumoduo Boyoon Potunud (Operasi) Maritim Malaysia Datuk Ahmad Puzi Ab. Kahar, Kumoduo Komander ESSCom Brig Jen Subari Tomo, Potunud Komponen Laut ESSCom Laksamana Karunanithi om tupisor molohingon ESSCom.

Daamot dilo, ih Abdul Rashid nga minapaharo nogi pirubaan miampai puru Kotinanan Bagas Pulis Malaysia (PBPM) Raan Silam ih binuruan bagas Boyoon Pulis Watas Lahad Datu Idris Jikun id longkod tupis ESSCom.

Id pirubaan oniba dilo, minanahak isido kointalangan karait ahal kawawagu karaja ESSCom, lolobi Karaja Miuhup Poimbida ih pinapanau montok magasu modidikot songkosuaian aiso kasagaan (PATI) id pogun diti lolobi id ESSZone. – BERNAMA

Komen


Berita Berkaitan