Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ESScom monoriuk kiis minamadi puru koumoligan id Pulau Pom Pom

EssCom

KOTA KINABALU – Kinoyonon Koumoligan Poimbida Tisan Kosilahon Sabah (ESSCom) mamaso monoriuk kiis kapaampai puru amu nointutunan minapagabas babadi kuminaa Puru Tinimungan Gerakan AM (PGA) id iso pos pintamangan id kowoigan Pulau Pom Pom, Semporna di tadau Koduo nakatalib.

Komander ESSCom Datuk Abdul Rashid Harun minoboros do puru disio kakal mongintutun tulun di nokohompit.

“Tulun diloo minogulu minapalapas duo babadi kuminaa tinimungan koumoligan tokou. Amu tokou koilo isai om nunu tuduan diolo.

“Nga tuduan amu doti osonong, nokuro tu mamadi yolo tinimungan koumoligan,” ka disio kumaa maganu habar do hiti.

Id kinaantakan pukul 3 kosuabon dilo, puru koumoligan id iso pos pintamangan pogulu diti pinoruput do nokorongou tuni injin bot minsomok pulau dilo om soira tinitiu do puru PGA id bot dilo, nokorongou yolo duo babadi pinalapas kuminaa diolo.

Kinaantakan dilo minongunsub puru PGA suminuli mamadi om minongunsub puru nokomoi minogidu.

Sinodu bot tulun nokomoi om pos pintamangan PGA nopo nga 200 gisom 300 meter.

Daamot dilo Kumoduo Posurujaya Pulis Sabah, Datuk Awang Sahari EM Nadzeer minoboros do puru disio mamaso monoriuk kinaantakan dilo.

“Ukabon tokou karatas ponoriukan,” ka disio. – Bernama

Komen


Berita Berkaitan