Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom mokianu mogigion Pulau Banggi poruput korikatan PATI

esscom kudat

KUDAT – Mogigion id Pulau Banggi do hiti pinokianu mooi poruput korikatan modidikot songkosuaian aiso kasagaan (PATI) toi ko tulun di kororosi mooi laang tosikap aanu montok koinsonongon toinsanan tulun.

Kumoduo Potunud Ponoriukan Kinoyonon Koumoligan Poimbida Tisan Kosilahon Sabah (Esscom) ACP Hashim Justin minoboros do apatut iyolo kasasari mintong intong montok tumoguang nunu nopo kaantakan kasalaan dumarapas piolitan id pulau dilo.

Ka disio, sundung do Pulau Bangi poinsumpak osodu mantad kowoigan tisan kosilahon ih insaru aantakan kiis kasalaan dumarapas piolitan nga tulun taraat kasasari mogihum kosiwatan.

“Kada tokou kolihu miampai kowowoyoon otonong om osonong ih opurimanan tokou do baino. Poruputo tosisikap sokiro haro PATI id kinoyonon dokoyu,” ka disio.

Minoboros isido miagal dilo soira minapatahak kointalangan koumoligan kopihondot ababayan Kopurimanan Porijistaan Montok Boyoon Mogigion id Karakit, Pulau Banggi, tadau Kolimo nakatalib. – BERNAMA

Komen


Berita Berkaitan